Log Penderfyniadau

Darperir y cyllid i Gyngor Bwrdeistref Sirol Blaenau Gwent, Cyngor Dinas Casnewydd a Heddlu Gwent i ddarparu ymateb ar draws system gyfan i bobl fregus trwy fabwysiadu agweddau gwybodus Profiadau Niweidiol yn Ystod Plentyndod tuag at blismona gweithredol a phartneriaid allweddol.

Dyfarnwyd cyllid blwyddyn dau mewn egwyddor i’r prosiectau canlynol a gafodd eu cyllido yn 2018/19 yn amodol ar adrodd boddhaol: Duffryn Community Link - £25,058.82 Creazione in Community - £20,900 2019/20 Dyfarniadau Grant (Hydref – Mawrth 2020): County in the Community - £11,807.50 tuag at y prosiect Premier League Kicks yn Ringland, yn rhedeg o 1 Tachwedd 2019 hyd at 31 Hydref 2020. Darperir sesiynau wythnosol ar ddydd Iau y tu allan i oriau ysgol. Hefyd darperir cyfleoedd dysgu i wella datblygiad a lles pobl ifanc. Cymru Creations - £25,000 i gyflawni prosiect Academi Ffilm Blaenau Gwent o 1 Ionawr 2020 hyd at 31 Rhagfyr 2020, a fydd yn cynnwys cyfle i bobl ifanc greu cyfres o ffilmiau byrion yn canolbwyntio ar faterion a phryderon cyfoes. Canolfan Cwmbrân ar gyfer Pobl Ifanc (CCYP) - £40,314.72 tuag at gyflawni’r Prosiect Galw Heibio Mynediad Agored o 1 Ionawr 2020 hyd at 31 Rhagfyr 2020. Bydd hyn yn cynnwys darparu cyfleuster galw heibio ar bum noson yr wythnos mewn amgylchedd diogel, sy’n cynnig gwasanaethau wedi eu teilwra, gweithgareddau a chymorth, gyda chwnselwyr a mentoriaid ar gael i’r bobl ifanc sydd yn bresennol. Clwb Bocsio Amatur Alway - £20,000 i gyflawni’r prosiect Stop Stabbing Start Jabbing ar ddydd Mawrth a dydd Iau 5pm – 7pm a dydd Sadwrn 10am – 2pm, o 1 Ionawr 2020 hyd at 31 Rhagfyr 2020. Bydd y prosiect hwn yn cynnig rhaglenni bocsio / mentora i’r bobl hynny y mae perygl iddynt ddod yn rhan o’r system cyfiawnder troseddol sydd wedi dioddef trosedd tra eu bod yn ifanc. The Gap Wales - £15,000 i gyflawni’r prosiect Sanctuary o 1 Ionawr 2020 hyd at 31 Rhagfyr 2020, i weithio gyda cheiswyr lloches a ffoaduriaid ifanc, gan gynnig cymorth perthynol a chyfannol, cyngor a gweithgareddau cymdeithasol iddynt.

Yn 2019/20 lansiodd Cronfa Gymunedol Uchel Siryf Gwent (GHSCF) elfen ychwanegol i’w digwyddiad blynyddol. Byddai un grant y flwyddyn yn cael ei ddewis fel ‘superbid’ ac yn cael cyllid 3 blynedd o £5,000 y flwyddyn. Cytunodd y Comisiynydd Heddlu a Throsedd i roi’r £5,000 sydd ei angen i gefnogi Blwyddyn 2 o ‘superbid’ 19/20, yn ogystal â £5,000 arall i gefnogi Blwyddyn 1 ‘superbid’ 20/21.

Rhestrir y prosiectau llwyddiannus sydd yn cael cyllid blwyddyn isod: Dyfarniadau Grant 2020/21 (Ebrill 2020 – Mawrth 2021): Bridge to Cross Charitable Trust - £15,000 tuag at brosiect 7 Corners – Outreach Hotspot Project, a fydd yn cyflawni gwaith cefnogi a gweithgareddau allgymorth i bobl ifanc sydd mewn sefyllfa argyfyngus. Changing Gearz - £15,000 i gyflawni’r prosiect Inspirational DJ Project, a fydd yn cynnig gweithdai wythnosol ar sut i droelli (DJ), cynhyrchu cerddoriaeth ac ati, datblygu sgiliau mentora a hyfforddi ymhlith pobl ifanc a rhoi cyfle i ennill cymwysterau a allai arwain at ddewisiadau cyflogaeth eraill. Hwb Torfaen - £15,000 tuag at gyflawni Prosiect Hwb Blaenafon. Rhoi darpariaeth i bobl ifanc yn yr Hwb, sy’n cynnwys clybiau ieuenctid fin nos, gwaith prosiect a darpariaethau addysgol. Clwb Bocsio Amatur St Michael’s - £14,365.30 i gyflawni’r prosiect bocsio a ffitrwydd ‘Rhowch gynnig arni – Bocsio a Ffitrwydd’. Bydd hwn yn ymgysylltu â phobl ifanc ac yn eu dysgu drwy ddefnyddio technoleg gwybodaeth, cael gafael ar wybodaeth addysgol a darparu amgylchedd priodol i waredu ymddygiad ymosodol a rhwystredigaethau cathartig. Ysgol Gynradd Parc Tredegar - £7,588.75 i gyflawni ‘Prosiect Cyfathrebu Agored’ yng Nghanolfan i Deuluoedd Fforest y tu allan i oriau ysgol. Bydd hyn yn darparu cyfleusterau galw heibio i blant oedran 7 i 11 er mwyn nodi problemau unigol neu broblemau grŵp a darparu atebion cadarnhaol a dichonadwy. Tŷ Cymunedol - £48,351 tuag at gyflawni prosiect ‘School’s Out’ ieuenctid Maendy, sy’n cynnig sesiynau gwaith ieuenctid yn ystod gwyliau’r ysgol gan gynnwys teithiau addysgol a gweithgareddau yn y ganolfan ar gyfer pobl ifanc. Cymorth i Fenywod Cyfannol- £36,629.62 tuag at fan chwarae ag offer sefydlog sy’n ddiogel, therapiwtig a hygyrch ac ymyrraeth therapiwtig i bob plentyn a phob un o’r bobl ifanc sy’n preswylio yn y lloches. Dyfarnwyd cyllid blwyddyn dau mewn egwyddor i’r prosiectau canlynol a gafodd eu cyllido yn 2019/20 yn amodol ar adrodd boddhaol: Grwpiau Ieuenctid ‘Interact’ Bryn Farm a Coed Cae - £40,151 Urban Circle - £50,000 Canolfan Cwmbrân ar gyfer Pobl Ifanc - £40,314.72 The Gap Wales - £16,438

Ym mis Mawrth 2018, cyflwynodd y Swyddfa Gartref ofyniad i Brif Swyddogion hysbysu ynghylch eu cyflogaeth ôl-wasanaeth o fewn 12 mis ar ôl iddynt adael gwasanaeth yr heddlu. Roedd hyn hefyd yn ei gwneud yn ofynnol i Gomisiynwyr Heddlu a Throsedd adolygu a chymeradwyo addasrwydd cyflogaeth ôl-wasanaeth Prif Swyddogion. At ddibenion tryloywder, mae’n ofynnol wedyn i Gomisiynwyr Heddlu a Throsedd gyhoeddi’r manylion ar eu gwefan.

Mae hyn yn unol â pharagraffau 84-86 y Llawlyfr Llywodraethu Corfforaethol.

Mae'r Strategaeth Cyfalaf yn dangos bod gwariant cyfalaf a phenderfyniadau buddsoddi yn cael eu cyflawni yn unol â chanlyniadau dymunol ac yn ystyried stiwardiaeth, gwerth am arian, doethineb, cynaliadwyedd a fforddiadwyedd.

Mae'r Comisiynydd yn fodlon bod y Prif Gwnstabl wedi ymdrin yn briodol â'r cwynion a archwiliwyd ganddo.

Mae'n ofynnol bod y Comisiynydd yn pennu'r gyllideb ar gyfer 2020/21 ac yna'n pennu praesept treth y cyngor yn dilyn trafodaeth â'r Panel Heddlu a Throseddu.