Log Penderfyniadau

Dyfarnwyd cyfanswm o £35, 785 i gyfrannu at waith yr Ymarferydd Gwrth-Ymddygiad Gwrthgymdeithasol a Thân yng Ngwasanaeth Tân ac Achub De Cymru yn 2023/24.

Darperir y cyllid i Casnewydd Fyw, sy'n arwain ar gydgysylltu'r rhaglen Dyfodol Cadarnhaol. Bydd y cyllid yn cael ei ddefnyddio i gynnal gweithgareddau chwaraeon i arwain plant a phobl ifanc sydd mewn perygl o ddechrau ymwneud â'r system cyfiawnder troseddol yng Ngwent oddi wrth drosedd ac ymddygiad gwrthgymdeithasol.

Darperir y cyllid i Gyngor Dinas Casnewydd sy'n arwain ar gydgysylltu'r gwasanaeth Eiriolwr Trais Domestig Annibynnol nes bydd trefniadau comisiynu ac ariannu hirdymor wedi cael eu cytuno

Mae'r symiau canlynol wedi cael eu caniatáu:

£464,723 i New Pathways i gyfrannu at ddarparu gwasanaethau trais rhywiol yn 2023/2024. Mae New Pathways yn sefydliad sy'n darparu gwasanaethau cymorth argyfwng i bobl sydd wedi dioddef

treisio a cham-drin rhywiol, gan gynnwys rheoli Canolfan Atgyfeirio Ymosodiadau Rhywiol Gwent. Mae darpariaeth arbenigol ar gael i blant sy'n dioddef cam-drin rhywiol.

£155,256 i Cymorth i Fenywod Cyfannol i gyfrannu at ddarparu eu gwasanaethau cymorth Horizon. Mae Cymorth i Fenywod Cyfannol yn darparu gwasanaethau cymorth ledled Gwent i bobl sydd wedi dioddef cam-drin domestig a thrais rhywiol.

Yn seiliedig ar gynnydd a pherfformiad yr ymyrraeth hon yn ystod 2022/2023, mae’r Comisiynydd wedi penderfynu ymestyn y prosiect peilot hwn am un flwyddyn. Bydd y cyllid canlynol yn cael ei ddyfarnu ar gyfer 2023/2024.

Cyngor Dinas Casnewydd - £123,457. Mae’r prosiect peilot yn ategu ymateb presennol y Ganolfan Ddiogelu i ddiogelu yng Nghasnewydd.

Mae Comisiynydd yr Heddlu a Throseddu Gwent wedi cytuno i ddarparu £25,000 i Gronfa Gymunedol Uchel Siryf Gwent ar gyfer 2023/24, gydag opsiwn o arian cyfatebol o hyd at £25,000 ychwanegol. Bydd £15,000 arall i gefnogi blwyddyn 1, 2 a 3 y ceisiadau yn cael ei ddarparu hefyd.

Mae Comisiynydd yr Heddlu a Throsedd Gwent wedi cytuno i ddyfarnu cyllid grant o Gronfa Gymunedol yr Heddlu i dri phrosiect sy’n dod i gyfanswm o £142,189.19. Yn ogystal, dyfarnwyd cyllid ail neu drydedd flwyddyn ar egwyddor i naw prosiect a ariannwyd ym mlynyddoedd ariannol 2021/22 neu 2022/23, yn amodol ar adroddiadau boddhaol a chydymffurfiaeth barhaus gyda thelerau ac amodau’r grant. Mae hyn yn dod â dyraniad cyllid 2023/24 i gyfanswm o £335,824.22.

Mae'n ofynnol bod y Comisiynydd yn pennu'r gyllideb ar gyfer 2023-24 ac yna'n pennu praesept treth y cyngor mewn ymgynghoriad â Phanel yr Heddlu a Throseddu