Log Penderfyniadau

Mae'r Cynllun Ymwelwyr Annibynnol â Dalfeydd yn gynllun statudol dan Ddeddf Diwygio’r Heddlu a Chyfrifoldeb Cymdeithasol Rhan 3 Adran 299 y mae Swyddfa Comisiynydd yr Heddlu a Throseddu, mewn ymgynghoriad â'r Prif Gwnstabl, yn gyfrifol amdano ac am ei oruchwyliaeth.

Cynhyrchwyd Adroddiad y Cydbwyllgor Archwilio ar gyfer 2020/21 i gyd-fynd â chyhoeddiad y Datganiad Cyfrifon.

Gan fod dau aelod profiadol wedi penderfynu ymddeol o'r cynllun Ymwelwyr Annibynnol â Dalfeydd yn ddiweddar, caiff y cyfnod ei ymestyn am flwyddyn arall tan 2023 ar gyfer tri o'r gwirfoddolwyr yr oedd eu cyfnod i fod i ddod i ben yn 2022. Bydd hyn yn rhoi amser i Swyddfa'r Comisiynydd recriwtio a hyfforddi gwirfoddolwyr newydd a chadw'r gwirfoddolwyr profiadol sy'n rhan o'r cynllun.

Mae hyn yn unol â'r Llawlyfr Llywodraethu (adrannau 84-86 Rhan 3e Rheolau Sefydlog yn ymwneud â Chontractau).

Mae Deddf Rhyddid Gwybodaeth 2000 yn rhoi mynediad i wybodaeth a gedwir gan awdurdodau cyhoeddus. O dan Ddeddf Rhyddid Gwybodaeth, mae dyletswydd ar gyrff cyhoeddus i gyhoeddi gwybodaeth benodol am eu gweithgareddau. Cyfeirir at hyn fel Cynllun Cyhoeddi. Mae gan y cyhoedd hawl i ofyn am unrhyw wybodaeth gofnodedig a gedwir ganddynt hefyd.

Craffwyd ar Adroddiad Blynyddol Rheoli'r Trysorlys gan y Cydbwyllgor Archwilio ar 10 Mehefin 2021.

Mae Cwnstabliaeth Swydd Derby, dan arweiniad Cyngor Cenedlaethol Penaethiaid yr Heddlu (NPCC) wedi dyfarnu fframwaith i Komainu (Jersey) Limited.

Mae pob llu heddlu wedi cael ei enwi fel cyfranogwr posibl yn y contract hwn, ac mae'r Uned Fasnachol a Chaffael ar y Cyd wedi cael cyfarwyddiadau gan Uned Seiberdrosedd Heddlu Gwent i gofrestru gyda'r fframwaith er mwyn i Heddlu Gwent gadw a gwerthu Cryptoarian sy'n deillio o weithrediadau yn ddiogel.

Mae Comisiynydd yr Heddlu a Throseddu Gwent wedi cytuno i ddyfarnu £27,779 i gefnogi parhad swydd Swyddog Diogelwch Cymunedol Rhanbarthol o fis Mehefin 2021 tan fis Mawrth 2022.

Mae Comisiynydd yr Heddlu a Throseddu Gwent wedi monitro cofnodion cyfarfod y Cynllun Lles Anifeiliaid a gynhaliwyd 26 Ebrill 2021 ac mae'n fodlon ar y cynnydd a wnaed.

Mae'r Cynllun Ymwelwyr Annibynnol â Dalfeydd yn gynllun statudol dan Ddeddf Diwygio’r Heddlu a Chyfrifoldeb Cymdeithasol Rhan 3 Adran 299 y mae Swyddfa Comisiynydd yr Heddlu a Throseddu, mewn ymgynghoriad â'r Prif Gwnstabl, yn gyfrifol amdano ac am ei oruchwyliaeth.