Log Penderfyniadau

Darperir y cyllid i Gyngor Dinas Casnewydd sy'n arwain ar gydgysylltu'r gwasanaeth Eiriolwr Trais Domestig Annibynnol nes bydd trefniadau comisiynu ac ariannu hirdymor wedi cael eu cytuno

Darperir y cyllid i Casnewydd Fyw, sy'n arwain ar gydgysylltu'r rhaglen Dyfodol Cadarnhaol. Bydd y cyllid yn cael ei ddefnyddio i gynnal gweithgareddau chwaraeon i arwain plant a phobl ifanc sydd mewn perygl o ddechrau ymwneud â'r system cyfiawnder troseddol yng Ngwent oddi wrth drosedd ac ymddygiad gwrthgymdeithasol.

Yn ystod 2020/2021 rhoddwyd trefniadau newydd ar waith ar 1 Gorffennaf 2020 i gefnogi diogelwch cymunedol a throseddau ieuenctid yng Ngwent. Mae cyllideb o £650,000 wedi cael ei phennu ar gyfer diogelwch cymunedol a throseddau ieuenctid yng Ngwent. O'r cyfanswm hwn, caiff £216,000 ei gadw ar gyfer partneriaethau nad ydynt yn awdurdod lleol, a chaiff y £434,000 sy'n weddill ei ddyrannu i awdurdodau lleol i gyfrannu at eu darpariaethau diogelwch cymunedol a throseddau ieuenctid.

Mae'r symiau canlynol wedi cael eu caniatáu:

£385,400 i New Pathways i gyfrannu at ddarparu gwasanaethau trais rhywiol yn 2022/2023. Mae New Pathways yn sefydliad sy'n darparu gwasanaethau cymorth argyfwng i bobl sydd wedi dioddef

treisio a cham-drin rhywiol, gan gynnwys rheoli Canolfan Atgyfeirio Ymosodiadau Rhywiol Gwent. Mae darpariaeth arbenigol ar gael i blant sy'n dioddef cam-drin rhywiol.

£69,500 i Cymorth i Fenywod Cyfannol i gyfrannu at ddarparu eu gwasanaethau cymorth Horizon. Mae Cymorth i Fenywod Cyfannol yn darparu gwasanaethau cymorth ledled Gwent i bobl sydd wedi dioddef cam-drin domestig a thrais rhywiol.

Rhoddodd y newidiadau i Ddeddf Plismona a Throsedd 2017 fwy o oruchwyliaeth i Gomisiynydd yr Heddlu a Throsedd dros y system cwynion a chyfrifoldeb dros ymdrin ag apeliadau (adolygiadau). Cytunodd Comisiynydd yr Heddlu a Throsedd i ddyfarnu'r contract i Sancus Solutions Ltd ar ôl proses dendro ar y cyd gyda Heddlu Dyfed Powys a Heddlu Gogledd Cymru. Mae'r contract am gyfnod o 36 mis gydag opsiwn i ymestyn am gyfnod o 2 x 12 mis arall. Bydd y contract yn dechrau 03/04/2022.

Derbyniodd y sefydliadau canlynol gyllid:

St Giles Trust - £122,794

Darparu ymyrraeth un i un brys i bobl ifanc a'u teuluoedd sydd mewn perygl o fod yn ymwneud â thrais difrifol a throseddau trefnedig; a darparu rhaglen 'Fearless' mewn ysgolion ar y cyd â Crimestoppers.

Ymddiriedolaeth Crimestoppers - £40,851

Darparu rhaglen 'Fearless' i ddisgyblion Blwyddyn 7 mewn sefydliadau addysgol ar y cyd â St Giles Trust; a rhoi cymorth wedi'i dargedu i ysgolion mewn ardaloedd lle mae trais difrifol neu droseddau trefnedig yn broblem.

Hyd y contract yw tair (3) blynedd gydag opsiwn o ymestyn am gyfnod o ddwy (2) flynedd arall.

Rhestrir y grantiau llwyddiannus isod:

Cefn Golau Gyda'n Gilydd (Blaenau Gwent) - £11,574 tuag at y prosiect Nip it in the Bud. Bydd y prosiect yn cynnal gweithgareddau ar gyfer y gymuned gyfan ond gyda phrosiectau penodol ar gyfer teuluoedd, plant ac oedolion ifanc i wella iechyd a lles corfforol a meddyliol, gan hybu ymdeimlad o berthyn, parch a chyfrifoldeb yn y gymuned.

Cymdeithas Cymuned Iemenïaidd Casnewydd (Casnewydd) - £43,070 tuag at Raglen Grymuso Ieuenctid Cymdeithas Cymuned Iemenïaidd Casnewydd a fydd yn darparu rhaglenni ataliol y gall y bobl ifanc ymwneud â nhw, ymgysylltu â nhw a chael eu grymuso i wneud dewisiadau cadarnhaol yn eu bywydau.

County in the Community (Casnewydd) - £11,307.50 i ddarparu'r prosiect Premier League Kicks yn Ringland. Bydd sesiynau wythnosol yn cael eu darparu ar ddydd Gwener y tu allan i oriau ysgol ac yn ystod gwyliau ysgol.

Empire Fighting Chance (Torfaen) - £15,158.40 i ddarparu'r prosiect Fighting Crime in Torfaen.  Bydd y prosiect yn cyfuno bocsio digyffwrdd a chymorth personol dwys i bobl ifanc o Dorfaen sydd mewn perygl o ddechrau ymwneud â'r system cyfiawnder troseddol. Bydd pobl ifanc yn cael eu recriwtio trwy lwybrau atgyfeirio sy'n cynnwys ysgolion, Gwasanaethau Iechyd Meddwl Plant a'r Glasoed (CAMHS) a Heddlu Gwent. Byddant yn cael eu hatgyfeirio at un o ddwy raglen.

Mae'r prosiectau canlynol a dderbyniodd arian yn 2020/2021 neu 2021/2022 wedi derbyn cyllid ail neu drydedd flwyddyn mewn egwyddor, lle y gwnaed cais am hwn yn y cais gwreiddiol, yn amodol ar dderbyn adroddiadau boddhaol:

Tŷ Cymuned - £48,351

Cymru Creations - £25,000

Cymorth i Fenywod Cyfannol - £33,600

Cyswllt Cymunedol Dyffryn - £28,805

Kid Care 4 U – £22,000

Canolfan Galw Heibio Pobl Ifanc Senghennydd - £31,627.63