Swyddi Gwag
Cynorthwyydd Personol Tîm Gweithredol Swyddfa Comisiynydd yr Heddlu a Throsedd
Lleoliad: Pencadlys Heddlu Gwent
Gradd: SC5
Cyflog: £30,333 - £32,610 (pro rata)
Rhan/Llawn Amser: Rhan Amser
Oriau'r Wythnos: 20
Math o Gytundeb: Parhaol
Lefel o allu'n y Gymraeg sy'n angenrheidiol? 2
Dyddiad cau: 23/11/26 13:00
Disgrifiad Hysbysiad Swydd
Mae Swyddfa Comisiynydd yr Heddlu a Throsedd Gwent (Swyddfa’r Comisiynydd) eisiau recriwtio Cynorthwyydd Personol proffesiynol, trefnus a brwdfrydig i ymuno â’n tîm i rannu swydd ar sail rhan amser.
Mae hon yn swydd amrywiol, werth chweil sy’n darparu cymorth gweinyddol, rheoli dyddiaduron a chymorth busnes o safon uchel i gefnogi Tîm Gweithredol Swyddfa’r Comisiynydd. Byddwch yn gweithio mewn amgylchedd dynamig, ac yn chwarae rhan allweddol yn sicrhau bod gwaith y swyddfa’n mynd rhagddo’n rhwydd, cefnogi uwch-arweinwyr ac ymgysylltu â chydweithwyr, partneriaid a rhanddeiliaid ar draws gwasanaethau plismona a gwasanaethau cyhoeddus.
Rydym yn chwilio am Gynorthwyydd Personol sy’n gallu rheoli blaenoriaethau sy’n cystadlu, talu sylw manwl i gywirdeb a meithrin perthnasoedd gweithio cadarnhaol gyda phobl ar bob lefel. Cewch gyfle i weithio yn rhan o dîm cefnogol a phroffesiynol, gan gyfrannu at waith sy’n helpu i ddarparu llywodraethiant effeithiol a chanlyniadau cadarnhaol i gymunedau ledled Gwent.
Edrychwch ar y Disgrifiad Swydd ynghlwm i gael manylion llawn y swydd, ac i weld y cyfrifoldebau a’r profiad hanfodol gofynnol.
Sylwer fod Llywodraeth y Deyrnas Unedig wedi cyhoeddi bwriad i ddisodli comisiynwyr yr heddlu a throsedd yn rhan o’r diwygiadau plismona arfaethedig. Yn ddarostyngedig i ddeddfwriaeth ac amserlenni gweithredu, gall hyn effeithio ar Swyddfa’r Comisiynydd a swyddfeydd cysylltiedig o fis Mai 2028 ymlaen.