Log Penderfyniadau

Mae Comisiynydd yr Heddlu a Throseddu Gwent wedi cytuno i ddarparu £25,000 i Gronfa Gymunedol Uchel Siryf Gwent ar gyfer 2022/23, gydag opsiwn o arian cyfatebol o hyd at £25,000 ychwanegol. Bydd £15,000 arall i gefnogi blwyddyn 1, 2 a 3 y ceisiadau yn cael ei ddarparu hefyd.

Mae'r Llawlyfr Llywodraethu Corfforaethol yn cael ei adolygu bob blwyddyn gan y Grŵp Cynllunio Strategol. Fel arfer byddai'r Cydbwyllgor Archwilio yn derbyn y diwygiadau i'r Llawlyfr Llywodraethu Corfforaethol i'w cymeradwyo cyn cyfarfod y Bwrdd Perfformiad Strategaeth. Fodd bynnag, oherwydd newidiadau i ddyddiadau'r cyfarfod, cymeradwywyd y diwygiadau mewn egwyddor gan y Comisiynydd a'r Prif Gwnstabl yng nghyfarfod y Bwrdd Perfformiad Strategaeth ar yr 2 Fawrth 2022 yn amodol ar unrhyw ddiwygiadau a argymhellwyd gan y Cydbwyllgor Archwilio ar y 9 Fawrth 2022.

Mae’r Comisiynydd yn fodlon bod pob datganiad y mae ei swyddfa wedi ei wneud yn dderbyniol, yn unol â’r polisïau a gweithdrefnau perthnasol.

Mae'r Comisiynydd yn fodlon bod y cwynion a archwiliwyd wedi cael eu trin yn briodol gan y Prif Gwnstabl

Mae'r Cynllun Ymwelwyr Annibynnol â Dalfeydd yn gynllun statudol dan Ddeddf Diwygio’r Heddlu a Chyfrifoldeb Cymdeithasol Rhan 3 Adran 299 y mae Swyddfa Comisiynydd yr Heddlu a Throseddu, mewn ymgynghoriad â'r Prif Gwnstabl, yn gyfrifol amdano ac am ei oruchwyliaeth.

Mae'n ofynnol bod y Comisiynydd yn pennu'r gyllideb ar gyfer 2022-23 ac yna'n pennu praesept treth y cyngor mewn ymgynghoriad â Phanel yr Heddlu a Throseddu

Er mwyn datblygu’r Cynllun Heddlu a Throsedd nesaf ar gyfer Gwent, cynhaliodd Swyddfa’r Comisiynydd ymarfer ymgysylltu helaeth gyda’r cyhoedd a rhanddeiliaid allweddol. Nod yr arolwg hwn oedd sicrhau bod safbwyntiau gan gymunedau amrywiol ledled Gwent yn cael eu hadlewyrchu. Trwy gasglu’r safbwyntiau hyn cafodd y Comisiynydd syniad gwell o beth sydd o bwys i bobl Gwent, rhanddeiliaid allweddol a’n partneriaid yn y maes plismona.

Bydd cyfnod y dyfarniad yn parhau am ddwy flynedd o 1 Rhagfyr 2021 tan 30 Tachwedd 2023.

Pwrpas y cyllid yw galluogi oedolion a phobl ifanc ac aelodau cefnogol eu teuluoedd sydd wedi profi cam-drin rhywiol, trais rhywiol neu gam-fanteisio rhywiol i ymdopi â thrawma eu profiadau a gwella cymaint ag y gallant.

Mae rhif fframwaith ‘Places for People - Major Projects Hub’ DN298568 wedi cael ei ddefnyddio. Mae hwn yn fframwaith cenedlaethol sy’n perthyn i’r Procurement Hub. Mae hyn yn unol â’r Llawlyfr Llywodraethu (adrannau 20-24 o Ran 3e y Rheolau Sefydlog yn ymwneud â Chontractau).

Mae'n ofynnol bod y Comisiynydd yn mabwysiadu a chydymffurfio â Chod Cyllid Cyfalaf Darbodus mewn Awdurdodau Lleol y Sefydliad Siartredig Cyllid Cyhoeddus (CIPFA) a Chod Ymarfer CIPFA ar gyfer Rheoli'r Trysorlys. Mae Strategaeth Rheoli'r Trysorlys 2022/23 - 2024/25 ac Arferion Rheoli'r Trysorlys wedi cael eu cytuno er mwyn cydymffurfio â'r codau.