Log Penderfyniadau

Ym mis Awst 2020 cyhoeddodd y Swyddfa Gartref ei Gronfa ar gyfer Rhaglen Cyflawnwyr Cam-drin Domestig. Prif nod y gronfa hon oedd cynyddu nifer y rhaglenni mewn ardaloedd lleol sy’n canolbwyntio ar gyflawnwyr cam-drin domestig a chadarnhau gwerthusiad o’r ymyraethau hyn. Hysbyswyd Swyddfa’r Comisiynydd bod y cais a gyflwynwyd am £205,469 yn llwyddiannus, a dyrannwyd y grant ar gyfer y cyfnod 1 Hydref 2020 tan 31st Mawrth 2021 ac fel amod o’r grant, cytunodd y Comisiynydd i neilltuo £195,347 i sicrhau bod y gwasanaethau’n cael eu darparu am 12 mis hyd at 30 Medi 2021.

Mae grant o £55,000 wedi cael ei gyflwyno i Clinks, cyfraniad o £15,000 o gyllideb Cronfa Gomisiynu Swyddfa Comisiynydd yr Heddlu a Throsedd Gwent, £15,000 yr un gan Wasanaeth Carchardai a Gwasanaeth Prawf EM a Chomisiynydd yr Heddlu a Throsedd De Cymru. Bydd cyllid ychwanegol yn dod gan Heddlu Dyfed Powys a Heddlu Gogledd Cymru hefyd.

Mae'r Cynllun Ymwelwyr Annibynnol â Dalfeydd yn gynllun statudol dan Ddeddf Diwygio’r Heddlu a Chyfrifoldeb Cymdeithasol Rhan 3 Adran 299 y mae Swyddfa Comisiynydd yr Heddlu a Throseddu, mewn ymgynghoriad â'r Prif Gwnstabl, yn gyfrifol amdano ac am ei oruchwyliaeth.

Cynhyrchwyd Adroddiad y Cydbwyllgor Archwilio ar gyfer 2020/21 i gyd-fynd â chyhoeddiad y Datganiad Cyfrifon.

Gan fod dau aelod profiadol wedi penderfynu ymddeol o'r cynllun Ymwelwyr Annibynnol â Dalfeydd yn ddiweddar, caiff y cyfnod ei ymestyn am flwyddyn arall tan 2023 ar gyfer tri o'r gwirfoddolwyr yr oedd eu cyfnod i fod i ddod i ben yn 2022. Bydd hyn yn rhoi amser i Swyddfa'r Comisiynydd recriwtio a hyfforddi gwirfoddolwyr newydd a chadw'r gwirfoddolwyr profiadol sy'n rhan o'r cynllun.

Mae hyn yn unol â'r Llawlyfr Llywodraethu (adrannau 84-86 Rhan 3e Rheolau Sefydlog yn ymwneud â Chontractau).

Mae Deddf Rhyddid Gwybodaeth 2000 yn rhoi mynediad i wybodaeth a gedwir gan awdurdodau cyhoeddus. O dan Ddeddf Rhyddid Gwybodaeth, mae dyletswydd ar gyrff cyhoeddus i gyhoeddi gwybodaeth benodol am eu gweithgareddau. Cyfeirir at hyn fel Cynllun Cyhoeddi. Mae gan y cyhoedd hawl i ofyn am unrhyw wybodaeth gofnodedig a gedwir ganddynt hefyd.

Craffwyd ar Adroddiad Blynyddol Rheoli'r Trysorlys gan y Cydbwyllgor Archwilio ar 10 Mehefin 2021.

Mae Cwnstabliaeth Swydd Derby, dan arweiniad Cyngor Cenedlaethol Penaethiaid yr Heddlu (NPCC) wedi dyfarnu fframwaith i Komainu (Jersey) Limited.

Mae pob llu heddlu wedi cael ei enwi fel cyfranogwr posibl yn y contract hwn, ac mae'r Uned Fasnachol a Chaffael ar y Cyd wedi cael cyfarwyddiadau gan Uned Seiberdrosedd Heddlu Gwent i gofrestru gyda'r fframwaith er mwyn i Heddlu Gwent gadw a gwerthu Cryptoarian sy'n deillio o weithrediadau yn ddiogel.