Log Penderfyniadau

Hyd y contract yw tair (3) blynedd gydag opsiwn o ymestyn am gyfnod o ddwy (2) flynedd arall.

Rhestrir y grantiau llwyddiannus isod:

Cefn Golau Gyda'n Gilydd (Blaenau Gwent) - £11,574 tuag at y prosiect Nip it in the Bud. Bydd y prosiect yn cynnal gweithgareddau ar gyfer y gymuned gyfan ond gyda phrosiectau penodol ar gyfer teuluoedd, plant ac oedolion ifanc i wella iechyd a lles corfforol a meddyliol, gan hybu ymdeimlad o berthyn, parch a chyfrifoldeb yn y gymuned.

Cymdeithas Cymuned Iemenïaidd Casnewydd (Casnewydd) - £43,070 tuag at Raglen Grymuso Ieuenctid Cymdeithas Cymuned Iemenïaidd Casnewydd a fydd yn darparu rhaglenni ataliol y gall y bobl ifanc ymwneud â nhw, ymgysylltu â nhw a chael eu grymuso i wneud dewisiadau cadarnhaol yn eu bywydau.

County in the Community (Casnewydd) - £11,307.50 i ddarparu'r prosiect Premier League Kicks yn Ringland. Bydd sesiynau wythnosol yn cael eu darparu ar ddydd Gwener y tu allan i oriau ysgol ac yn ystod gwyliau ysgol.

Empire Fighting Chance (Torfaen) - £15,158.40 i ddarparu'r prosiect Fighting Crime in Torfaen.  Bydd y prosiect yn cyfuno bocsio digyffwrdd a chymorth personol dwys i bobl ifanc o Dorfaen sydd mewn perygl o ddechrau ymwneud â'r system cyfiawnder troseddol. Bydd pobl ifanc yn cael eu recriwtio trwy lwybrau atgyfeirio sy'n cynnwys ysgolion, Gwasanaethau Iechyd Meddwl Plant a'r Glasoed (CAMHS) a Heddlu Gwent. Byddant yn cael eu hatgyfeirio at un o ddwy raglen.

Mae'r prosiectau canlynol a dderbyniodd arian yn 2020/2021 neu 2021/2022 wedi derbyn cyllid ail neu drydedd flwyddyn mewn egwyddor, lle y gwnaed cais am hwn yn y cais gwreiddiol, yn amodol ar dderbyn adroddiadau boddhaol:

Tŷ Cymuned - £48,351

Cymru Creations - £25,000

Cymorth i Fenywod Cyfannol - £33,600

Cyswllt Cymunedol Dyffryn - £28,805

Kid Care 4 U – £22,000

Canolfan Galw Heibio Pobl Ifanc Senghennydd - £31,627.63

Mae Comisiynydd yr Heddlu a Throseddu Gwent wedi cytuno i ddarparu £25,000 i Gronfa Gymunedol Uchel Siryf Gwent ar gyfer 2022/23, gydag opsiwn o arian cyfatebol o hyd at £25,000 ychwanegol. Bydd £15,000 arall i gefnogi blwyddyn 1, 2 a 3 y ceisiadau yn cael ei ddarparu hefyd.

Mae'r Llawlyfr Llywodraethu Corfforaethol yn cael ei adolygu bob blwyddyn gan y Grŵp Cynllunio Strategol. Fel arfer byddai'r Cydbwyllgor Archwilio yn derbyn y diwygiadau i'r Llawlyfr Llywodraethu Corfforaethol i'w cymeradwyo cyn cyfarfod y Bwrdd Perfformiad Strategaeth. Fodd bynnag, oherwydd newidiadau i ddyddiadau'r cyfarfod, cymeradwywyd y diwygiadau mewn egwyddor gan y Comisiynydd a'r Prif Gwnstabl yng nghyfarfod y Bwrdd Perfformiad Strategaeth ar yr 2 Fawrth 2022 yn amodol ar unrhyw ddiwygiadau a argymhellwyd gan y Cydbwyllgor Archwilio ar y 9 Fawrth 2022.

Mae’r Comisiynydd yn fodlon bod pob datganiad y mae ei swyddfa wedi ei wneud yn dderbyniol, yn unol â’r polisïau a gweithdrefnau perthnasol.

Mae'r Comisiynydd yn fodlon bod y cwynion a archwiliwyd wedi cael eu trin yn briodol gan y Prif Gwnstabl

Mae'r Cynllun Ymwelwyr Annibynnol â Dalfeydd yn gynllun statudol dan Ddeddf Diwygio’r Heddlu a Chyfrifoldeb Cymdeithasol Rhan 3 Adran 299 y mae Swyddfa Comisiynydd yr Heddlu a Throseddu, mewn ymgynghoriad â'r Prif Gwnstabl, yn gyfrifol amdano ac am ei oruchwyliaeth.

Mae'n ofynnol bod y Comisiynydd yn pennu'r gyllideb ar gyfer 2022-23 ac yna'n pennu praesept treth y cyngor mewn ymgynghoriad â Phanel yr Heddlu a Throseddu

Er mwyn datblygu’r Cynllun Heddlu a Throsedd nesaf ar gyfer Gwent, cynhaliodd Swyddfa’r Comisiynydd ymarfer ymgysylltu helaeth gyda’r cyhoedd a rhanddeiliaid allweddol. Nod yr arolwg hwn oedd sicrhau bod safbwyntiau gan gymunedau amrywiol ledled Gwent yn cael eu hadlewyrchu. Trwy gasglu’r safbwyntiau hyn cafodd y Comisiynydd syniad gwell o beth sydd o bwys i bobl Gwent, rhanddeiliaid allweddol a’n partneriaid yn y maes plismona.