Log Penderfyniadau

Mae'n ofynnol bod y Comisiynydd yn mabwysiadu a chydymffurfio â Chod Cyllid Cyfalaf Darbodus mewn Awdurdodau Lleol y Sefydliad Siartredig Cyllid Cyhoeddus (CIPFA) a Chod Ymarfer CIPFA ar gyfer Rheoli'r Trysorlys. Mae Strategaeth Rheoli'r Trysorlys 2021/22 - 2023/24 ac Arferion Rheoli'r Trysorlys wedi cael eu cytuno er mwyn cydymffurfio â'r codau.

Yn ystod 2020/2021 rhoddwyd trefniadau newydd ar waith (ar 1 Gorffennaf 2020) i gefnogi diogelwch cymunedol a throseddau ieuenctid yng Ngwent. Mae cyllideb o £500,000 wedi cael ei phennu ar gyfer diogelwch cymunedol a throseddau ieuenctid yng Ngwent. O'r cyfanswm hwn, caiff £66,000 ei gadw ar gyfer partneriaethau nad ydynt yn awdurdod lleol, a chaiff y £434,000 sy'n weddill ei ddyrannu i awdurdodau lleol i gyfrannu at eu darpariaethau diogelwch cymunedol a throseddau ieuenctid.

Mae'r ddarpariaeth ar gyfer gwasanaethau i blant a phobl ifanc yn cael ei gwella, felly mae proses dendro newydd yn cael ei datblygu. Bu oedi wrth ddatblygu'r tendr ac felly bydd Umbrella Gwent yn darparu'r gwasanaeth dros dro tan 2021/22.

Age Cymru Gwent - i barhau i gyllido 30 awr o gefnogaeth gan y Gweithiwr Achos Pobl Hŷn. Cyfanswm: £19,015. Bwrdd Iechyd Prifysgol Aneurin Bevan - i barhau i gyllido'r Ymarferydd Lles ar y cyd â'r Bwrdd Iechyd. Cyfanswm £24,500. Umbrella Cymru - i ddarparu cymorth i ddioddefwyr sydd ei angen mewn perthynas â'u rhywedd neu hunaniaeth rywiol. Cyfanswm £5,000

Darperir y cyllid i Gyngor Dinas Casnewydd i ddarparu ymateb system gyfan i fregusrwydd trwy ddefnyddio dulliau Profiadau Niweidiol yn ystod Plentyndod ar gyfer plismona gweithredol a phartneriaid allweddol.

Bydd y cyllid yn cael ei roi i Casnewydd Fyw sy'n arwain y gwaith o gyd-gysylltu'r rhaglen Dyfodol Cadarnhaol ar hyn o bryd, er mwyn darparu gweithgareddau chwaraeon dargyfeiriol i blant a phobl ifanc sydd mewn perygl o ddechrau ymwneud â'r system cyfiawnder troseddol.

Mae cyllid wedi cael ei ddyfarnu i'r sefydliadau canlynol:

St Giles Trust - £123,794

* Darparu ymyrraeth un i un brys i bobl ifanc a'u teuluoedd sydd mewn perygl o fod yn ymwneud â thrais difrifol a throseddau trefnedig; a darparu rhaglen 'Fearless' mewn ysgolion ar y cyd â Crimestoppers.

Ymddiriedolaeth Crimestoppers - £41,000

* Darparu rhaglen 'Fearless' i ddisgyblion Blwyddyn 7 mewn sefydliadau addysgol ar y cyd â St Giles Trust; a rhoi cymorth wedi'i dargedu i ysgolion mewn ardaloedd lle mae trais difrifol neu droseddau trefnedig yn broblem.

Dyfarnwyd y symiau canlynol:

£348,515 i Llwybrau Newydd i gyfrannu at ddarparu gwasanaethau trais rhywiol yn 2021/2022, gan gynnwys y gwasanaethau canlynol:

* Gwasanaethau canolfannau cyfeirio ymosodiadau rhywiol;

* Gwasanaethau craidd cynghorydd trais rhywiol annibynnol;

* Gwasanaethau cynghorydd trais rhywiol annibynnol ychwanegol - Plant a Phobl Ifanc; Cynghorydd trais rhywiol annibynnol iechyd meddwl a chymunedol;

* Therapi plant; a

* Chwnsela i oedolion.

£69,500 i Cymorth i Fenywod Cyfannol i gyfrannu at ddarparu eu gwasanaethau cymorth Horizon sy'n cynnwys:

* Cwnsela i oedolion; a

* Gwasanaethau cynghorydd trais rhywiol annibynnol.

Bydd y cyllid yn cyfrannu at gostau rheoli a gweinyddu hefyd.

Dyfarniadau Grant 2021/22 (Ebrill 2021 - Mawrth 2022):

Cymru Creations (Blaenau Gwent)- £25,000

Canolfan Galw Heibio Pobl Ifanc (Caerffili) - £33,314.49

KidCare4U (Casnewydd) - £22,000

Cymorth i Fenywod Cyfannol (Gwent gyfan) - £27,314.15

Ffin Dance (Blaenau Gwent) - £10,000

Cyswllt Cymunedol Dyffryn (Casnewydd ) - £28,028

Mewn egwyddor, dyfarnwyd cyllid dwy i dair blynedd ar gyfer y prosiectau canlynol a gyllidwyd yn 2019/2020 neu 2020/2021, lle y gwnaed cais amdano yn eu cais gwreiddiol, yn amodol ar adroddiadau boddhaol:

Urban Circle Productions - £50,000

Canolfan Pobl Ifanc Cwmbrân - £40,314.72

The Gap Cymru - £16,931

Tŷ Cymuned - £48,351

Mae Comisiynydd yr Heddlu a Throseddu Gwent wedi cytuno i ddarparu £25,000 i Gronfa Gymunedol Uchel Siryf Gwent ar gyfer 2021/22, gydag opsiwn o arian cyfatebol o hyd at £25,000 ychwanegol. Bydd £15,000 arall i gefnogi blwyddyn 1, 2 a 3 y ceisiadau yn cael ei ddarparu hefyd.