Log Penderfyniadau

Mae’r Comisiynydd yn fodlon bod pob datganiad a wnaed gan staff yn dderbyniol yn unol â’r polisïau a gweithdrefnau perthnasol.

Bydd cyfnod yr estyniad yn rhoi mwy o amser i ddyfarnu contract newydd ar ôl cynnal mini gystadleuaeth dan y Fframwaith Addasu Cerbydau (JPS303A) dan arweiniad Heddlu Sussex. Mae'r broses wedi cael ei hoedi oherwydd sefyllfa Covid-19.

Mae Comisiynydd yr Heddlu a Throseddu wedi cytuno i ddyfarnu'r Contract ar gyfer Telemateg Dynol a Cherbydau i L&A Consultants Limited am gyfnod o dair blynedd gydag opsiwn o ymestyn y cyfnod am dair blynedd arall, yn unol â pharagraffau 84-86 Rhan 3e y Llawlyfr Llywodraethu Corfforaethol - Rheolau Sefydlog yn ymwneud â Chontractau.

Dan Ddeddf Diwygio'r Heddlu a Chyfrifoldeb Cyhoeddus 2011, mae'n ofynnol bod y Comisiynydd yn cynhyrchu Adroddiad Blynyddol ar gyfer pob blwyddyn ariannol, sy'n dangos sut mae wedi bod yn cyflawni ei swydd a'r cynnydd sydd wedi cael ei wneud wrth gyflawni'r amcanion a amlinellir yn y Cynllun Heddlu a Throseddu ar gyfer Gwent.

Mae'r estyniadau canlynol wedi cael eu caniatáu: Cyngor Bwrdeistref Sirol Caerffili - Cydgysylltydd Gwent Mwy Diogel - £13,251, Gwasanaeth Troseddau Ieuenctid Sir Fynwy a Thorfaen - Gwasanaethau Troseddau Ieuenctid - £27,699, Cyngor Bwrdeistref Sirol Torfaen - Tîm a Threfnydd Ymddygiad Gwrthgymdeithasol Rhanbarthol Gwent - £40,449, Gwasanaeth Tân ac Achub De Cymru - Ymddygiad Gwrthgymdeithasol a Lleihau Tanau Bwriadol - £7,000, Cyngor Dinas Casnewydd - Prosiect Diogelwch Cymunedol Casnewydd - £4,560. Cyfanswm: £92,959.00

Mae cyllid wedi cael ei ddyfarnu i'r sefydliadau canlynol: Barnardo’s - £207,500 I ddarparu ymyrraeth gynnar ar ffurf cymorth un i un i bobl ifanc 10 - 14 oed (a'u teuluoedd) sydd ar ymylon ymddygiad treisgar neu droseddol i'w hatal rhag ymwneud â throseddau difrifol a threfnedig. St Giles Trust - £123,794 Darparu ymyrraeth un i un brys i bobl ifanc a'u teuluoedd sydd mewn perygl o fod yn ymwneud â thrais difrifol a throseddau trefnedig; a darparu rhaglen 'Fearless' mewn ysgolion ar y cyd â Crimestoppers. Crimestoppers - £40,851 Darparu rhaglen 'Fearless' i ddisgyblion Blwyddyn 7 mewn sefydliadau addysgol ar y cyd â St Giles Trust; a rhoi cymorth wedi'i dargedu i ysgolion mewn ardaloedd lle mae trais difrifol neu droseddau trefnedig yn broblem. Cyngor Bwrdeistref Sirol Torfaen - £29,267 I barhau i gyflogi Trefnydd Trais Difrifol tan 31 Mawrth 2021.

Mae £230,505 wedi'i ddyfarnu i gyfrannu at ddarparu Gwasanaethau Trais Rhywiol yn 2020/21, gan gynnwys y gwasanaethau canlynol: * Gwasanaethau Canolfan Atgyfeirio Ymosodiadau Rhywiol; * Gwasanaethau Cynghorydd Annibynnol ar Drais Rhywiol; * Therapi i Blant; a * Cwnsela i Oedolion. Bydd y cyllid hefyd yn cyfrannu at wasanaethau hyfforddi, gwasanaethau cyllid, costau goruchwylio, rheoli a gweinyddu. Byddaf hefyd yn dyfarnu'r £85,508 ychwanegol a sicrhawyd o'r Weinyddiaeth Gyfiawnder i New Pathways ar gyfer y canlynol: Cynghorydd Annibynnol ar Drais Rhywiol ar gyfer Plant a Phobl Ifanc; a Cynghorydd Annibynnol ar Drais Rhywiol ar gyfer Iechyd Meddwl. Y cyfanswm a ddyfarnwyd i New Pathways felly yw £316,013.

Mae hyn yn dod â buddsoddiad mewn diogelwch cymunedol a throseddau ieuenctid yng Ngwent yn y flwyddyn ariannol 2020/21 i £457,941 (gan gynnwys y penderfyniad i ddyfarnu cyllid Chwarter 1 o £85,959 yn PCCG-2019-082).