Log Penderfyniadau

Mae cyllideb o £500,000 wedi cael ei phennu ar gyfer diogelwch cymunedol a throseddau ieuenctid yng Ngwent fel yr amlinellir yng Nghofnod Penderfyniad PCCG-2020-051. Dyfarnwyd £28,000 o'r gronfa Diogelwch Cymunedol a Throseddau Ieuenctid i Wasanaeth Tân ac Achub De Cymru er mwyn i'r Ymarferydd Ymddygiad Gwrthgymdeithasol a Throsedd Tanau barhau gyda'i waith.

Roedd hyn yn unol â pharagraffau 84-86 y Llawlyfr Llywodraethu Corfforaethol Rhan 3e - Rheolau Sefydlog yn ymwneud a Chontractau.

Rhoddir y cyllid i Gyngor Dinas Casnewydd, sy'n arwain y gwaith o drefnu darpariaeth y gwasanaeth IDVA ar hyn o bryd, nes bydd trefniadau comisiynu a chyllid hirdymor wedi cael eu cytuno.

Mae'r fframwaith 'Places for People - Major Projects Hub' wedi cael ei ddefnyddio. Mae hyn yn unol â'r Llawlyfr Llywodraethu (adrannau 20-24 Rhan 3e Rheolau Sefydlog yn ymwneud â Chontractau).

Mae'n ofynnol bod y Comisiynydd yn mabwysiadu a chydymffurfio â Chod Cyllid Cyfalaf Darbodus mewn Awdurdodau Lleol y Sefydliad Siartredig Cyllid Cyhoeddus (CIPFA) a Chod Ymarfer CIPFA ar gyfer Rheoli'r Trysorlys. Mae Strategaeth Rheoli'r Trysorlys 2021/22 - 2023/24 ac Arferion Rheoli'r Trysorlys wedi cael eu cytuno er mwyn cydymffurfio â'r codau.

Yn ystod 2020/2021 rhoddwyd trefniadau newydd ar waith (ar 1 Gorffennaf 2020) i gefnogi diogelwch cymunedol a throseddau ieuenctid yng Ngwent. Mae cyllideb o £500,000 wedi cael ei phennu ar gyfer diogelwch cymunedol a throseddau ieuenctid yng Ngwent. O'r cyfanswm hwn, caiff £66,000 ei gadw ar gyfer partneriaethau nad ydynt yn awdurdod lleol, a chaiff y £434,000 sy'n weddill ei ddyrannu i awdurdodau lleol i gyfrannu at eu darpariaethau diogelwch cymunedol a throseddau ieuenctid.

Mae'r ddarpariaeth ar gyfer gwasanaethau i blant a phobl ifanc yn cael ei gwella, felly mae proses dendro newydd yn cael ei datblygu. Bu oedi wrth ddatblygu'r tendr ac felly bydd Umbrella Gwent yn darparu'r gwasanaeth dros dro tan 2021/22.

Age Cymru Gwent - i barhau i gyllido 30 awr o gefnogaeth gan y Gweithiwr Achos Pobl Hŷn. Cyfanswm: £19,015. Bwrdd Iechyd Prifysgol Aneurin Bevan - i barhau i gyllido'r Ymarferydd Lles ar y cyd â'r Bwrdd Iechyd. Cyfanswm £24,500. Umbrella Cymru - i ddarparu cymorth i ddioddefwyr sydd ei angen mewn perthynas â'u rhywedd neu hunaniaeth rywiol. Cyfanswm £5,000

Darperir y cyllid i Gyngor Dinas Casnewydd i ddarparu ymateb system gyfan i fregusrwydd trwy ddefnyddio dulliau Profiadau Niweidiol yn ystod Plentyndod ar gyfer plismona gweithredol a phartneriaid allweddol.

Bydd y cyllid yn cael ei roi i Casnewydd Fyw sy'n arwain y gwaith o gyd-gysylltu'r rhaglen Dyfodol Cadarnhaol ar hyn o bryd, er mwyn darparu gweithgareddau chwaraeon dargyfeiriol i blant a phobl ifanc sydd mewn perygl o ddechrau ymwneud â'r system cyfiawnder troseddol.