Log Penderfyniadau

Ar gyfer blwyddyn ariannol 2026/27, mae'r Swyddfa Gartref wedi dyrannu £259,739 i Gomisiynydd yr Heddlu a Throsedd Gwent (y Comisiynydd) i gefnogi gwaith i roi'r Ddyletswydd Trais Difrifol (y Ddyletswydd) ar waith, gofyniad statudol.

O gyfanswm y dyraniad, bydd £211,000 yn cael ei ddefnyddio i ariannu ymyraethau gyda'r nod o roi sylw i achosion a chanlyniadau trais difrifol ledled Gwent, a bydd gofyn i bartneriaid sy'n derbyn cyllid roi arian cyfatebol o 15% i gefnogi'r gwaith hwn.

Mae cyllideb o £731,939 wedi cael ei phennu ar gyfer diogelwch cymunedol a throseddau ieuenctid yng Ngwent. O'r swm yma, mae £150,000 wedi cael ei ddyrannu i ymgyrchoedd diogelwch cymunedol tymhorol ac mae £113,830 wedi cael ei gadw ar gyfer partneriaid nad ydynt yn awdurdod lleol. Bydd y £468,109 sy'n weddill yn cael ei ddyrannu i awdurdodau lleol i gyfrannu at eu darpariaethau diogelwch cymunedol a throseddau ieuenctid.

Dyfarnwyd y symiau canlynol:

St Giles Trust - £142,257

• 
  Darparu ymyrraeth un i un brys i bobl ifanc a'u teuluoedd sydd mewn perygl o fod yn ymwneud â thrais difrifol a throseddau trefnedig.

Ymddiriedolaeth Crimestoppers - £67,525

• Darparu rhaglen Fearless i ddisgyblion Blwyddyn 7 mewn sefydliadau addysg; rhoi cymorth wedi'i dargedu i ysgolion mewn ardaloedd lle mae trais difrifol neu droseddau trefnedig yn broblem; a chyflwyno un ‘Parth Crimestoppers' ym mhob un o bum ardal awdurdod lleol Gwent.
  Er mwyn cyflawni fy ymrwymiadau, rwyf wedi ystyried y gofynion o dan y Ddeddf yn ogystal â'r blaenoriaethau yn y Cynllun Heddlu, Trosedd a Chyfiawnder ac rwyf wedi dyrannu swm o £209,782 i gyfrannu at ddarparu’r ymyraethau uchod sy'n cyflawni'r flaenoriaeth o leihau trais difrifol a throseddau cyfundrefnol yng Ngwent.

Dyfarnwyd cyfanswm o £209,689 i gyfrannu at ddarparu gweithgareddau chwaraeon i ddargyfeirio plant a phobl ifanc sydd mewn perygl o ddechrau ymwneud â'r system cyfiawnder troseddol  yng Ngwent.

Dyfernir cyllid o £10,000 yn flynyddol tuag at Gronfa Effaith Gadarnhaol Plismona Cymdogaeth Heddlu Gwent ar y ddealltwriaeth y gellir dyfarnu grantiau am brosiectau sy'n gallu dangos effaith gadarnhaol ar y cymunedau maent yn eu gwasanaethu, gan gyfrannu at gyflawni blaenoriaethau'r Cynllun Heddlu, Trosedd a Chyfiawnder ar yr un pryd.

Roedd cyhoeddiad blaenorol Rhif Penderfyniad PCCG-2025-011 yn cadarnhau'r bwriad i sefydlu cronfa gylchol (Cronfa Ymgysylltu'r Comisiynydd) o £100,000 i'w dyrannu yn ôl disgresiwn y Comisiynydd.

Cadarnhaodd Rhif Penderfyniad PCCG-2013-123 y bwriad i sefydlu cronfa gylchol (y Gronfa Effaith Gadarnhaol) o £10,000 i'w dyrannu yn ôl disgresiwn y Comisiynydd. Ar ddiwedd 2025/26 cafodd y Gronfa hon ei hail enwi yn Gronfa Partneriaeth y Comisiynydd, gyda chyllideb gylchol o £50,000 ar gael i'w dyfarnu.

Mae gan y Gronfa gyllideb flynyddol o £500,000, a'i nod yw caniatáu i brosiectau ymgeisio i dderbyn naill ai grant bach - £1,000 i £10,000 neu grant mawr - £10,001 i £50,000. Mae'n bosibl ymgeisio am gyllid am fwy nag un flwyddyn gyda'r ddau grant.   

Mae darpariaethau Deddf Diwygio'r Heddlu a Chyfrifoldeb Cymdeithasol 2011 ('y Ddeddf') dan adrannau 9 a 10 yn gofyn bod Comisiynydd yr Heddlu a Throsedd ar gyfer ardal Heddlu yn dyfarnu grantiau trosedd ac anhrefn ac yn gweithredu mewn cydweithrediad ag awdurdodau cyfrifol a gwneud trefniadau gydag asiantaethau cyfiawnder troseddol i arfer swyddogaethau, er mwyn darparu system cyfiawnder troseddol effeithiol ar gyfer yr ardal.

Yn ystod haf 2025/26 cafodd y Gronfa ei hadolygu ar y cyd â'r Cynllun Heddlu, Trosedd a Chyfiawnder. Cafodd y Gronfa ei hail enwi yn Gronfa Gymunedol y Comisiynydd a chynyddwyd y gyllideb i gyfanswm blynyddol o £500,000.

Cafodd y gronfa ar ei newydd wedd ei datblygu er mwyn sicrhau ei bod o fewn cyrraedd i wahanol gymunedau Gwent; ac ni fydd yn canolbwyntio ar blant a phobl ifanc mewn perygl o fynd i mewn i'r system cyfiawnder troseddol neu sydd wedi dioddef trosedd yn unig mwyach. Mae'r Gronfa ar ei newydd wedd yn caniatáu ceisiadau am naill ai grant bach neu grant mawr - £1,000 i £10,000 neu £10,001 i £50,000, gan barhau cyfleoedd i ymgeisio am gyllid am fwy nag un flwyddyn.