Log Penderfyniadau

Mae’r Cynllun Cydraddoldeb Strategol yn cefnogi a galluogi Heddlu Gwent i drefnu ei weithredoedd o dan y ddeddfwriaeth sy’n ymwneud â Chydraddoldeb, Amrywiaeth a Chynhwysiant yn y DU ac yng Nghymru’n benodol; strategaethau llywodraeth y DU a Chymru sy’n cefnogi Cydraddoldeb, Amrywiaeth a Chynhwysiant; cynlluniau plismona cenedlaethol ar gyfer Cydraddoldeb, Amrywiaeth a Chynhwysiant; a pholisïau a chynlluniau Heddlu Gwent a Swyddfa’r Comisiynydd eu hunain.

Mae'r Comisiynydd yn fodlon bod y cwynion a archwiliwyd wedi cael eu trin yn briodol gan y Prif Gwnstabl

Mae cyllideb o £698,568 wedi cael ei phennu ar gyfer diogelwch cymunedol a throseddau ieuenctid yng Ngwent. O'r cyfanswm hwn, caiff £224,640 ei gadw ar gyfer partneriaid nad ydynt yn rhai awdurdod lleol, a chaiff y £473,929 sy'n weddill ei ddyrannu i awdurdodau lleol i gyfrannu at eu darpariaethau diogelwch cymunedol a throseddau ieuenctid.

Darperir y cyllid i Casnewydd Fyw, sy'n arwain ar gydgysylltu'r rhaglen Dyfodol Cadarnhaol. Bydd y cyllid yn cael ei ddefnyddio i gynnal gweithgareddau chwaraeon i arwain plant a phobl ifanc sydd mewn perygl o ddechrau ymwneud â'r system cyfiawnder troseddol yng Ngwent oddi wrth drosedd ac ymddygiad gwrthgymdeithasol.

Oherwydd etholiadau Comisiynydd yr Heddlu a Throsedd ym mis Mai 2024, bydd cyfleoedd cyllid ar gyfer blwyddyn ariannol 2024/25 yn cael eu hadolygu yn y man gan y Comisiynydd newydd. Fodd bynnag, mae cyllideb wedi ei chlustnodi i ganiatáu i'r Gronfa barhau os caiff ei chymeradwyo.

Oherwydd etholiadau Comisiynydd yr Heddlu a Throsedd ym mis Mai 2024, bydd cyfleoedd cyllid ar gyfer blwyddyn ariannol 2024/25 yn cael eu hadolygu yn y man gan y Comisiynydd newydd. Fodd bynnag, mae cyllideb wedi ei chlustnodi i ganiatáu i'r Gronfa barhau os caiff ei chymeradwyo.

Darperir y cyllid i Gyngor Dinas Casnewydd sy'n arwain ar gydgysylltu'r gwasanaeth Eiriolwr Trais Domestig Annibynnol nes bydd trefniadau comisiynu ac ariannu hirdymor wedi cael eu cytuno

Dyfarnwyd cyllid i:

Age Cymru Gwent - £23,328  - I barhau i ariannu 24 awr o gymorth gan y Gweithiwr Achosion Pobl Hŷn. Bydd y Gweithiwr Achosion Pobl Hŷn yn rhoi cymorth sy'n canolbwyntio ar yr unigolyn i bobl dros 50 oed sydd wedi cael eu heffeithio gan drosedd.

Bwrdd Iechyd Prifysgol Aneurin Bevan - £30,785 - I barhau i ariannu'r Ymarferydd Lles ar y cyd â Bwrdd Iechyd Prifysgol Aneurin Bevan. Mae gan Connect Gwent Nyrs Seiciatrig Cymunedol (yr Ymarferydd Lles) a fydd yn ymdrin ag unrhyw atgyfeiriadau priodol, cynnal asesiadau iechyd meddwl ac sy'n gallu atgyfeirio yn uniongyrchol at ddarpariaeth iechyd meddwl heb yr angen i fynd at wasanaethau meddyg teulu.  Mae'r cyllid a ddarperir i Fwrdd Iechyd Prifysgol Aneurin Bevan yn cyfrannu at gostau cyffredinol y swydd.

Umbrella Cymru - £5,000 -  i ariannu Umbrella Cymru fel darparwr gwasanaethau yn Connect Gwent. Mae Umbrella Cymru'n darparu cymorth i ddioddefwyr trosedd sydd ei angen mewn perthynas â'u rhywedd neu hunaniaeth rywiol.

Dyfarnwyd £89,950 i Umbrella Cymru i ddarparu'r gwasanaeth yma yn 2024/25. Mae'r grant presennol wedi cael ei ymestyn tan 31 Mawrth 2025 er mwyn caniatáu ymarfer ail gomisiynu.