Log Penderfyniadau

Mae'r Pennaeth Sicrwydd a Chydymffurfiaeth a'r Pennaeth Strategaeth wedi adolygu'r strwythur llywodraethu presennol er mwyn sicrhau bod y Comisiynydd yn gallu dwyn y Prif Gwnstabl i gyfrif yn ddigonol am ddarparu gwasanaethau plismona yng Ngwent ac i sicrhau bod y broses hon yn dryloyw ac yn rhoi atebolrwydd i'r cyhoedd yng Ngwent.

Roedd adroddiad yn dangos y newidiadau arfaethedig i'r Llawlyfr Llywodraethu Corfforaethol i fod i gael ei gyflwyno i'r Bwrdd Strategaeth a Pherfformiad ar 5 Mawrth 2025.

Fodd bynnag, oherwydd amseru canllawiau cenedlaethol yn ymwneud â newidiadau i ddeddfwriaeth caffael, nid oedd yn bosibl gorffen y ddogfen ar amser.

Felly cyflwynwyd yr adroddiad i'r Cydbwyllgor Archwilio er mwyn cael ei sylwadau.

Cynhaliwyd cyfarfod y Cydbwyllgor Archwilio ar 13 Mawrth a chafodd y ddogfen ei hargymell i'w chymeradwyo gan y Comisiynydd a'r Prif Gwnstabl.

Er bod y newidiadau wedi cael eu hoedi o ran eu cyflwyno i'r Comisiynydd a'r Prif Gwnstabl eu cymeradwyo oherwydd amgylchiadau y gellir eu hesgusodi, rhaid nodi bod y Llawlyfr Llywodraethu Corfforaethol wedi cael ei gymeradwyo i'w ddefnyddio o 1 Ebrill 2025.

Bydd y cyllid yn cael ei ddarparu i Gyngor Dinas Casnewydd i gyfrannu at ddarpariaeth y gwasanaeth ar gyfer 2025/26.

Cytunodd Comisiynydd yr Heddlu a Throseddu Gwent i roi £10,000 yr un i'r ddwy Ardal Blismona Leol o'r Gronfa Effaith Gadarnhaol i helpu i gyflawni blaenoriaethau'r Cynllun Heddlu a Throsedd ar yr amod y gellid dyfarnu cyllid i brosiectau a oedd yn gallu dangos eu bod yn cael effaith gadarnhaol ar y cymunedau maent yn eu gwasanaethu.

Sefydlwyd Rhwydwaith Cymunedau Mwy Diogel Cymru ym mis Ionawr 2021 yn dilyn argymhellion Adolygiad Gweithio gyda'n Gilydd i Greu Cymunedau Mwy Diogel 2017 Llywodraeth Cymru.

Mae Comisiynydd yr Heddlu a Throsedd Gwent wedi cytuno i ddyfarnu cyllid grant o £182,428.01 o Gronfa Gymunedol yr Heddlu.  Oherwydd etholiadau comisiynwyr yr heddlu a throsedd ym mis Mai 2024 a datblygiad y Cynllun Heddlu, Trosedd a Chyfiawnder 2025-2029 wedi hynny, sydd i gael ei lansio ddiwedd mis Mawrth 2025; ni chynhaliwyd rownd ceisiadau ar gyfer y Gronfa ar gyfer blwyddyn ariannol 2025/26. Rhoddwyd cyllid i brosiectau aml-flwyddyn a oedd wedi cael dyfarniadau yn flaenorol gyda chyllid wedi'i glustnodi. Bydd y rhain yn derbyn eu blwyddyn olaf o gyllid ar gyfer eu ceisiadau etifeddol.

Bydd gwahanol ffrydiau cyllido Swyddfa'r Comisiynydd yn cael eu hadolygu yn sgil y Cynllun Heddlu, Trosedd a Chyfiawnder newydd.

Dyfarniadau Grant 2025/26 (Ebrill 2025 - Mawrth 2026):

Canolfan Galw Heibio Pobl Ifanc Senghennydd (Caerffili) - £39,929.76

Canolfan Pobl Ifanc Cwmbrân (Torfaen) - £42,631.48

Tîm Cymorth Lleiafrifoedd Ethnig ac Ieuenctid (EYST Cymru) (Casnewydd) - £49,980.77

Tŷ Cymunedol (Casnewydd) - £49,886

Mae'r Cynllun Ymwelwyr Annibynnol â Dalfeydd yn gynllun statudol dan Ddeddf Diwygio’r Heddlu a Chyfrifoldeb Cymdeithasol Rhan 3 Adran 299 y mae Swyddfa Comisiynydd yr Heddlu a Throseddu, mewn ymgynghoriad â'r Prif Gwnstabl, yn gyfrifol amdano ac am ei oruchwyliaeth.