Prosiect Edward

Yr wythnos ddiwethaf ymunodd fy nhîm â Heddlu Gwent ym Mhont-y-pŵl yn rhan o ymgyrch Prosiect Edward.

Mae EDWARD yn golygu ‘every day without a road death’. Ymunodd yr heddlu â chynghorau lleol, y Gwasanaeth Tân ac Achub, y DVLA a'r DVSA i fynd i'r afael â gyrru peryglus ledled Gwent.

Roedd y canlyniadau'n cynnwys:

• pum arést am yrru dan ddylanwad diod neu gyffuriau
• tri arést am yrru'n beryglus neu yrru heb ofal dyladwy
• atafaelu naw cerbyd am nad oedd ganddynt yswiriant neu drwydded
• 25 atgyfeiriad treth
• wyth trosedd llwyth anniogel
• 102 adroddiad trosedd traffig am oryrru neu ddefnyddio ffôn symudol
• 416 rhybudd o erlyniad bwriadedig am oryrru, defnyddio ffôn symudol, a pheidio â gwisgo gwregys diogelwch
• dim gwrthdrawiadau traffig ffyrdd marwol.

Hoffwn ddiolch i bawb a oedd yn rhan o'r ymgyrch am eu gwaith caled yn ystod yr wythnos. 

Y gwir amdani yw y gellid osgoi bron i bob digwyddiad traffig sy'n arwain at anaf difrifol a marwolaeth.

Felly, cofiwch, peidiwch â goryrru, cadwch eich cerbyd mewn cyflwr da, peidiwch â defnyddio eich ffôn symudol wrth yrru a helpwch ni i achub bywydau.