Log Penderfyniadau

Rhestrir yr ymgeiswyr llwyddiannus yr wyf wedi awdurdodi un flwyddyn o gyllid ar eu cyfer isod: Xcelerate Youth - £12,000 tuag at weithiwr teuluoedd / ymarferydd cwnsela a fydd yn gweithio ochr yn ochr â phlant gydag ymddygiad heriol a'u teuluoedd. Nod y prosiect yw helpu i atal a/neu osgoi ymddygiad gwrthgymdeithasol, rhoi cymorth i ddioddefwyr, helpu i ddatblygu pobl ifanc mewn ffordd gadarnhaol a gwella cydlyniant cymunedol. Dolen Gymunedol Dyffryn - £24,904.50 tuag at weithwyr ieuenctid, llogi lleoliadau, offer a chostau gweithgareddau ar gyfer y prosiect Dolen Ieuenctid. Bydd y prosiect yn darparu gweithgareddau dargyfeirio y tu allan i oriau ysgol ac yn ystod y gwyliau i bobl ifanc 8-16 oed gan gefnogi, ymgysylltu ac annog pobl ifanc i wneud cyfraniadau cadarnhaol i'w cymuned ar yr un pryd. Bydd cyfleusterau galw heibio i blant a phobl ifanc 11-18 oed ar gael hefyd i ganfod unigolion neu grwpiau sy'n peri problemau; i ddarparu datrysiadau cadarnhaol i grwpiau neu unigolion. Volunteering Matters Cymru - £2,250 tuag at y prosiect ffilm Safe Male sy'n ehangu ei brosiect Safe Male sy'n gweithio gyda dynion 16 - 35 oed gydag anghenion dysgu ac anableddau. Mae hwn yn brosiect sy'n cael ei arwain gan gymheiriaid ac sy'n darparu gweithdai ar gydberthnasau diogel, cydsyniad, diogelwch ar y rhyngrwyd a diogelwch personol, iechyd rhywiol, troseddau cyfeillio a cham-fanteisio mewn ffordd sy'n gwbl hygyrch a chynhwysol. Bydd y prosiect ffilm Mate Safe yn cynnwys y dynion wrth ddatblygu ffilm fer i godi ymwybyddiaeth o iechyd a chydberthnasau rhywiol priodol i ddynion gydag anableddau a thynnu sylw at beryglon a phroblemau cam-fanteisio, yn arbennig o ran troseddau cyfeillio.

Dyfernir y contract am gyfnod o ddwy flynedd gydag opsiwn i ymestyn am ddwy flynedd arall.

Bydd y penodiad dros dro yn parhau nes bydd y broses recriwtio gyfredol i benodi Prif Gwnstabl newydd wedi dirwyn i ben ac wedi cael ei chadarnhau gan y Panel Heddlu a Throsedd.

Mae Adran 26 Deddf yr Heddlu 1996 yn gofyn bod y Comisiynydd Heddlu a Throsedd yn awdurdodi unrhyw swyddog neu aelod staff i deithio a gwasanaethu mewn gwlad dramor er mwyn cynorthwyo sefydliad mewnol neu unrhyw gorff arall sy'n ymwneud â gweithgareddau plismona y tu allan i'r DU.

Mae'r Cynllun Ymwelwyr Annibynnol â Dalfeydd yn gynllun statudol dan Ddeddf Diwygio'r Heddlu a Chyfrifoldeb Cyhoeddus, Rhan 3 Adran 299, y mae Swyddfa'r Comisiynydd Heddlu a Throseddu'n gyfrifol amdano ac yn ei oruchwylio, mewn trafodaeth â'r Prif Gwnstabl.

Yn 2019/20 mae Cronfa Gymunedol Uchel Siryf Gwent wedi lansio elfen ychwanegol i'r digwyddiad blynyddol. Bydd un grant bob blwyddyn yn cael ei ddewis fel 'uwch-gynnig' a bydd yn derbyn cyllid o £5,000 y flwyddyn am dair blynedd. Ni fydd y grant hwn yn cael ei ddyfarnu o'r gronfa gyllid gyfredol ac yn ystod y flwyddyn gyntaf (19/20) bydd angen £5,000 ychwanegol o gyllid, yn ystod yr ail flwyddyn bydd angen £10,000 ychwanegol, a £15,000 yn ystod y drydedd flwyddyn, gan erbyn y pwynt hwn bydd tri uwch-gynnig, pob un ohonynt mewn gwahanol flwyddyn o'r grant tair blynedd a phob un yn derbyn £5,000 y flwyddyn.

Cyfanswm y grant a roddir i Llwybrau Newydd ar gyfer 2019/20 yw £230,505 Cyfanswm y grant a roddir i Cymorth i Fenywod Cyfannol ar gyfer 2019/20 yw £69,101

Bu panel adolygu yn cynnwys cynrychiolwyr o Swyddfa'r Comisiynydd Heddlu a Throsedd, Heddlu Gwent a Phartneriaeth Gwent Mwy Diogel yn ystyried dyrannu cyllid i sefydliadau a gwnaeth argymhellion mewn perthynas â phob cais. Ystyriwyd argymhellion y panel gan banel penderfynu a oedd yn cynnwys cynrychiolwyr o Swyddfa'r Comisiynydd a Heddlu Gwent ar 1af Chwefror 2019 lle y cytunwyd mai'r cyfanswm a fyddai’n cael ei ddyrannu i sefydliadau llwyddiannus fyddai £725,853.