Recriwtio swyddogion cymorth cymunedol

Dywedodd Comisiynydd yr Heddlu a Throsedd, Jeff Cuthbert: "Mae swyddogion cymorth cymunedol yn gwneud gwaith ardderchog. Yn aml, nhw yw'r cysylltiad rhwng yr heddlu a'r gymuned leol, yn helpu i ddatblygu hyder a magu gwell cydlyniant cymunedol.

"Nid yw'n swydd hawdd ac mae swyddogion cymorth cymunedol yn aml yn rhoi cymorth i rai o'r trigolion mwyaf bregus yn ein cymunedau.

"Hoffwn annog unrhyw un sydd â diddordeb mewn cefnogi eu cymuned i ddysgu mwy am y gwaith."

Mae gwaith swyddog cymorth cymunedol yn cynnwys:

• Mynd ar batrôl yn y gymuned, gan ddod i adnabod trigolion
• Rhoi cymorth i dimau plismona cymdogaeth ddatrys problemau lleol
• Ymweld â chartrefi i gasglu gwybodaeth a chynnig tawelwch meddwl ar ôl trosedd neu ddigwyddiad
• Meithrin cysylltiadau gyda phobl allweddol yn y gymuned, fel arweinwyr grwpiau lleol a chrefyddau
• Gwarchod safleoedd troseddau
  Casglu tystiolaeth teledu cylch cyfyng
• Rhoi cyngor ar atal trosedd a diogelwch personol
• Gweithredu fel tyst, mynd i'r llys yn ôl yr angen
• Ymgysylltu â phobl ifanc, creu cydberthnasau gwerthfawr.

Am ragor o fanylion, ewch i wefan Heddlu Gwent.