Pobl ifanc Blaenau Gwent yn ymarfer pêl-droed gyda Cardiff City Foundation

Mae pobl ifanc o Flaenau Gwent wedi bod yn egnïol yn ystod wythnos hanner tymor yn cymryd rhan mewn gweithdai pêl-droed a thwrnamaint a drefnwyd gan hyfforddwyr a staff Cardiff City Foundation, Gwasanaeth Ieuenctid Blaenau Gwent a Dyfodol Cadarnhaol.

Cyn dangos eu sgiliau mewn cyfres o dwrnameintiau pum bob ochr, cymerodd y bobl ifanc ran mewn cyfres o weithdai pêl-droed, ac ennill sgiliau hanfodol trwy gyfrwng cwrs cymorth cyntaf iechyd meddwl. 

Mae Dyfodol Cadarnhaol yn rhoi cyfleoedd gwych i bobl ifanc ledled Gwent ac mae’n cael cyllid gan Swyddfa Comisiynydd yr Heddlu a Throsedd yn rhan o ymrwymiad y Comisiynydd i gadw cymdogaethau’n ddiogel a gwella hyder y gymuned mewn plismona.

Mae’r sefydliad yn gweithio mewn partneriaeth gydag awdurdodau lleol, timau a llysgenhadon chwaraeon, a busnesau lleol i roi cyfleoedd i bobl ifanc ehangu eu gorwelion a gwireddu eu dyheadau.

Mae gwaith partner yn rhan bwysig o’n gwaith i helpu i gyfeirio pobl ifanc oddi wrth drosedd neu ymddygiad gwrthgymdeithasol.

I gael rhagor o wybodaeth:

Dyfodol Cadarnhaol: https://www.newportlive.co.uk/en/community-support/community-sport-and-wellbeing/our-projects-programmes-and-initiatives/positive-futures/

Gwasanaeth Ieuenctid Blaenau Gwent:

https://www.blaenau-gwent.gov.uk/en/resident/schools-learning/youth-services/byg/  neu dilynwch @BG.Youth.Service