Galw ar bobl ifanc yng Ngwent
Mae cyfle i bobl ifanc ledled Gwent gymryd rhan mewn digwyddiad 'hawl i holi' ar-lein sy'n cael ei gynnal gan Swyddfa Comisiynydd yr Heddlu a Throsedd Gwent a Fforwm Ieuenctid Rhanbarthol Gwent ddydd Iau 10 Mawrth 4.30pm - 6.30pm.
Mae'r digwyddiad yn gyfle i holi panel o weithwyr proffesiynol sy'n arbenigo mewn amrywiaeth eang o faterion y mae pobl ifanc wedi dweud wrth fy nhîm sy'n bwysig iddyn nhw.
Yn dilyn canlyniadau'r arolwg 'Beth sy'n bwysig i chi?' a gwblhawyd gan bobl ifanc o bob rhan o'r sir, mae amrywiaeth o faterion wedi cael eu nodi fel rhai pwysig:
- plismona
- iechyd meddwl
- mynd i'r afael â gwahaniaethu a throsedd casineb
- cydberthnasau diogel ac iach
Mae croeso i bobl ifanc o fforymau ieuenctid, sefydliadau, ysgolion, sefydliadau ieuenctid a gweithwyr proffesiynol yn y maes ieuenctid yng Ngwent i fod yn rhan o'r digwyddiad.
Gellir anfon cwestiynau cyn y digwyddiad at: commissioner@gwent.pnn.police.uk neu yn ystod y sesiwn.
I gofrestru, ewch i: Tocynnau Hawl i Holi Ieuenctid Gwent 2022 Swyddfa'r Comisiynydd, Iau 10 Mawrth 2022 am 16:30 | Eventbrite
Mae'r panel yn cynnwys:
- Jeff Cuthbert, Comisiynydd yr Heddlu a Throsedd Gwent
- Pam Kelly, Prif Gwnstabl Heddlu Gwent
- Dr Rachel Evans, Gwasanaeth Seicoleg a Therapïau Plant a Theuluoedd
- Kelly Harris, Brooke Cymru
- Rebecca Stanton, Iechyd Meddwl a Lles Plant - Bwrdd Iechyd Prifysgol Aneurin Bevan
- Chris Hunt, Tîm Cydlyniant Cymunedol Rhanbarthol
Meddai Comisiynydd yr Heddlu a Throsedd Gwent, Jeff Cuthbert: “Mae barn pobl ifanc yn eithriadol o bwysig i mi.
“Mae digwyddiadau fel Hawl i Holi Ieuenctid yn cynnig llwyfan unigryw i weithwyr proffesiynol, gwneuthurwyr polisi ac aelodau'r gymuned ddeall beth sydd yn bwysig i bobl ifanc.
“Dim ond trwy weithio mewn partneriaeth gyda phobl ifanc y byddwn yn deall yr hyn sydd ei angen er mwyn gwneud gwahaniaeth i bobl ifanc yn awr ac yn y dyfodol."