Comisiynydd yr Heddlu a Throsedd yn noddi cynghrair pêl-droed stryd newydd

Mae cynghrair pêl-droed stryd newydd yn cychwyn yng Nghasnewydd yr haf hwn.

Mae StreetSoc, sy'n cael ei rhedeg gan Sefydliad Dreigiau Bengal ac a noddir gan Gomisiynydd yr Heddlu a Throsedd Jane Mudd, yn trawsnewid prynhawn dydd Sul yng Nghanolfan Mileniwm Pilgwenlli yn ddathliad o waith tîm, egni, a balchder lleol.

Yn agored i chwaraewyr 16 oed a hŷn, mae'r gemau cyflym, wyth bob ochr yn offeryn pwerus ar gyfer adeiladu pontydd rhwng cymunedau.

Mae timau o bob rhan o Gasnewydd yn dod at ei gilydd i gystadlu yn y gynghrair, sydd â’r bwriad o hyrwyddo ffyrdd iach o fyw, a llywio pobl ifanc i ffwrdd o ymddygiad gwrthgymdeithasol.

Dywedodd Comisiynydd yr Heddlu a Throsedd Jane Mudd: "StreetSoc yw'r union fath o fenter ar lawr gwlad sy'n gwneud gwahaniaeth gwirioneddol. Nid yw'n ymwneud â phêl-droed yn unig, mae'n ymwneud â chysylltiad, cyfle, a chreu ymdeimlad o berthyn.

“Rwy'n falch o gefnogi prosiect sy'n helpu pobl ifanc i aros yn egnïol, gwneud ffrindiau, a theimlo'n rhan o rywbeth cadarnhaol yn eu cymuned. Rwy'n dymuno'n dda i'r holl dimau dros yr wythnosau nesaf ac yn edrych ymlaen at fynychu'r rownd derfynol ym mis Medi.”